Matapos ng masinsinan naming pag-uusap ng araw na iyon ay hindi ko na matandaan kung paano na lang kami bumalik ni Vins sa dati. Natagpuan ko na lang ang aking sarili na muli na namang kampante sa kanyang tabi. Iyong tipong kahit na isa ay wala kaming iniisip na problema. Parang hindi dumaan ang delubyo ng fiancee niya na kulang na lang ay liparin ang pagmamahal naming pilit na pinapatatag.
Ganun talaga siguro kapag nagmamahal ka, mabilis mong makakalimutan ang sigalot. Lalo na kapag pakiramdam mo ay safe na safe na ulit ang puso mo sa kanya. Paminsan-minsan ay sumasagi sa aking isipan ang fiancee niya. Ni hindi rin nawala dito na what if isang araw ay muli na naman siyang sumugod dito at manggulo? Papatulan ko ba o hahayaan ko na lang na matapos ang pag-aalburoto niya dito? Parang ang h
