Ilang beses ko nang paulit-ulit na chineck kung wala na ba akong nakakalimutang gamit sa aming mga dadalhin. Ilang ulit ko na ‘ring binilang ang mga damit, at sakto naman iyon. Maaga kaming nagising ng araw na iyon nang dahil sa aming usapang dalawa ni Vins na bago magbukangliway ay magtutungo na kami sa kabilang bayan upang doon e-spent ang aming unang weekend nang magkasama magmula nang makabalik siya ng bansa. At hindi ko maipaliwanag ang excitement na aking nararamdaman nang mga sandaling iyon. Para akong batang pinangakuan ng aking mga magulang na dadalhin sa amusement park. Magkahalong excitement at hindi ko maipaliwanag na bahagyang takot iyon.
“Babe are you ready?” pang ilang beses nang tanong iyon ni Vins sa akin na halatang inip na inip na sa paghihintay niya sa aking matapos sa
