Mabagal ang aking hakbang pagkababa ko ng jeep. Paakyat na ako ngayon sa Session Road kung saan ay nagkasundo kami ni Beverly na doon magkita. Naka-graduate na siya sa University at aniya para magkaroon siya ng experience ay pinasok niya ang magtrabaho sa isang kilalang fastfood chain bilang Manager. Kung ako ang tatanungin niya, mananatili na lang ako dito at hindi ko na pipiliin na lumuwas ng Manila o ‘di kaya ay mangibang bansa pa. Okay na naman ang sahod na offer sa kanya, ngunit siya pa rin naman ang magdedesisyon. Anuman ang maging plano niya ay hindi ko hahadlangan, at bibigyan ko lang siya ng payo.
“Kahit maka-graduate na ako, pipiliin kong dito na lang tumira. Bilhin ko kaya ang bahay ni Tita Roxa? Sobrang kampante na ako doon eh.”
Napangiti na ako sa kawalan nang dahil doon. Si
