Patuloy na bumaha ang aking mga luha. Hindi iyon maawat kahit pa pakiramdam ko ay tuyo na ang lalamunan ko nang dahil sa pag-iyak. Sobrang sakit lang, hindi ko alam kung paano ko ilalarawan ang sakit na dulot nito sa aking katawan. Iyong tipong wala akong choice kung hindi ang damhin na lang ang kirot ng lahat. Pakiramdam ko ay pinaglalaruan lang ako ng tadhana, pero kung nagsisinungaling lang siya bakit alam niya ang passcode ng unit ni Vins? Ibig bang sabihin noon ay nauna siyang ibahay ni Vins at patuluyin doon? Nagniniig din ba sila sa mga lugar na paborito naming puwestuhan? Magkatabi rin ba silang natutulog na dalawa? Totoo ba talagang nauna siyang dumating sa buhay ni Vins at minahal din siya ng lalake? Nilalamon ako ng selos, na alam kong hindi naman dapat. Ngunit anong magagawa ko
