INIHANDA nina Kuro ang kanilang sarili nang palabasin na nga ni Zargus ang mga itinatago niyang sandata, ang kanyang tatlong puppets!
"Kailangan na nating mag-ingat lalo. Bihira lang palabasin ni Zargus ang mga ito, kaya wala akong maiibigay na impormasyon sa inyo tungkol dito," seryosong winika ni Kuro na kasalukuyang nagliliyab ang asul na apoy sa dalawa nitong balikat. Nasa likuran niya ang dalawang estudyante ng Purif School, ang dalawang demon na sina Ryzen at Speed.
Bahagyang napaatras si Speed habang pinagmamasdan ang mga puppets na nasa harapan nila. Napalunok siya ng laway dahil parang kaylakas ng mga ito kung titingnan. Pero... Ikinuyom niya ang kanyang dalawang kamao. Pagkatapos nito ay isang ngiti ang sumilay sa kanyang mga labi na mas nagpalakas sa aura nitong itim na
