MULA pagkabata ni Speed ay labis na ang kanyang paghanga sa bawat Hero ng Purif na nakikita niya sa siyudad. Malaya niyang nililibot ang lungsod kahit na siya ay nasa murang edad pa lamang.
Bakit hindi siya natatakot gawin ito? Dahil iyon sa pakiramdam na kapag siya ay nalagay sa panganib ay may mga kamay na sasagip sa kanya. Sigurado siyang may magliligtas sa kanya.
Ang batang si Speed, imbis nga na manatili sa bahay nila ay mas piniling gumala sa kung saan-saan. Madalas siyang tumatakas mula sa kanyang mga kapatid at ang kasama nga nila palagi ay ang kanyang tiyuhin dahil ang kanyang mga magulang ay ilang taon nang hindi umuuwi sa bahay nila.
Ang ama't ina niya ay ang tanging nag-aalaga sa kanya noon, subalit nang umalis ito at hindi na bumalik, ay dito na nagbago ang lahat s
