NEZZIE JANE
After na malaman ni Ivan na mga tauhan ni Ninong ang mga tao na nasa loob ng bahay nito ay mabilis na agad kaming umalis roon. Halos paliparin na ni Ivan ang sasakyan nito para makalayo kami at hindi masundan. Todo kapit na ako sa inuupuan ko. Napapapikit at napapausal na lamang ako ng dasal sa isip ko na sana ay maging ligtas kami pareho at walang mangyare sa aming masama. Mabuti na lang talaga at wala masyadong sasakyan pagkalabas namin ng highway. Medyo mabilis ang takbo namin pero alam ko may pag-iingat pa rin si Ivan sa pagmamaneho nito. At may tiwala naman ako sa kanya sa ginagawa nito.
Hindi ko alam kung saan na kami pupunta. Sa ikalawang pagkakataon kasi ay nasundan na naman ako. Akala ko ay magiging safe na ako roon sa bahay ni Ivan pero nagkamali ako. Pati na rin si
