"Sigurado ka ba na naibigay mo ang pina bibigay ko kay Ms. Liyah Diaz? Hindi ka ba nagkamali ng pinagbigyan?" Tanong niya sa kanyang tauhan nang palalim na ang gabi at wala pa rin ang kanyang inaasahan. Nakalagay naman sa kanyang imbitasyon kung anong oras ang dinner meeting nila ng dalaga. Dalawang oras na ang lumipas at wala pa rin ito sa kanyang yate. Dalawang oras na siyang naghihintay sa dalaga.
"Sigurado po ako Congressman naibigay ko po ng maayos," tugon sa kanya ng tauhan.
"Bakit wala pa siya?" Kunot noong tanong niya.
"Baka po hindi siya katulad ng ibang babaing naimbitahan niyo, Congressman," tugon nito.
"Anong ibig mong sabihin?' Tanong niya sa tauhan.
"Baka po nagkamali kayo ng tingin kay Ms. Liyah, baka po hindi siya ang tipo ng babae na pumapatol sa ganitong trabaho,' p
