CASSANDRA/MARISTELA
A year later
Kaharap namin ngayon ni Bien ang mga Puerto Rican drug dealers. Halos 40M ang papasok sa account namin kapag nakapag-close deal kami sa kanila kaya naman pinaghandaan naming mabuti ang business deal na ito. Tiniyak namin na lahat ng mga katanungan nila ay masasagot at lahat ng kailangan nila sa amin ay maibibigay namin.
Hindi ito ang unang beses na sumama ako sa mga deals ni Bien. Mula nang ipaalam niya na ako ang papalapit sa kanya sa pagdating ng tamang oras ay palagi na akong sumasama sa mga importanteng lakad niya. Ipinapakilala niya ako sa mga kaibigan niya bilang kanyang tagapagmana. Kapag nasa wastong gulang na si Lizbeth ay ipapasa ko naman ito sa kanya. Lahat ng pasikot-sikot ng aming negosyo ay alam ko na. Halos sanay na nga ako sa kalarakan s
