BINUKSAN niya ang maliit na paperbag at sa loob niyon ay may maliit ding kahon na kulay pula. Kinuha niya iyon at binuksan. Ternong gold earings and necklace na may pendant na letter C. Napangiti siya at maingat na hinawakan iyon pagkuwa’y napatingin siya kay Izaiah.
“Aww! Thank you, sobrang ganda. Simpleng dinner nga lang ayos na sa’kin pero may surprise ka pa talaga,” nakangiting sabi niya. Mabilis niya itong hinalikan sa pisngi at agad namang iniharap nito ang mukha kaya sa labi nito dumapo ang halik niya.
“You’re very much welcome, sweety. Sana nagustuhan mo ang design,” anang lalaki.
Tumango-tango siya, “Oo, ang ganda niya nagustuhan ko.”
“Gusto mo nang isuot?” tanong nito.
“Sige, pakisuot nga sa’kin.”
Kinuha nito ang kuwintas at isinuot sa kanya.
“Thank you. Bagay ba?” napan
