NAGULAT ang mga magulang ni Ivan sa biglaang pagbisita nito sa mansyon. Ang dahilan niya ay dadalaw lang siya pero ang totoo ay gusto muna niyang makapagpahinga kahit papaano sa pagbubunganga sa kanya palagi ni Cassandra.
Kanina pa malalim ang iniisip ni Ivan habang nasa second floor balcony siya ng kanyang dating silid. Sumimsim siya ng alak habang pilit na hinahanapan ng kasagutan ang mga tanong na kanina pa gumugulo sa kanyang isipan.
Ang hindi inaasahang pagkikita nilang iyon ni Camille, ang dahilan kung bakit tila nagising ang natutulog niyang damdamin. Malaki ang pinagbago ni Camille, mas lalo itong gumanda sa paningin niya. Pero ang lalong nagpagulo sa kanyang isipan ay ang batang kasama nito. Akala talaga niya ay anak ni Izaiah iyon. Pero sa bibig na mismo ng bata nanggaling ang
