KASALUKUYANG nakaupo sina Camille at Izaiah sa sofa na nasa loob ng silid ni Cyd. Nakatanaw sila kya Cyd habang mahimbing itong natutulog. Medyo bumuti na ang pakiramdam nito noong nabigyan ito ng gamot kanina. Sa kabila ng ginawa niya sa lalaki ay hindi pa rin nagbago ang pakikitungo nito sa kanila.
“Sorry, alam kong mali ang ginawa ko. Hindi ka na ba galit sa’kin?” humilig siya sa balikat ni Izaiah. Awtomatiko naman siya nitong inakbayan at ikinulong sa mga bisig.
“Sino ba’ng may sabi na nagalit ako sa’yo? Alam ko naman na na-pressure ka na gawin ang isang malaking desisyon na ‘yon. Nalungkot lang ako para kay Cyd.”
Naramdaman niya ang pagbuntong-hininga nito habang nakadikit ang kanyang pisngi sa dibdib nito.
“I know…I feel like I’m pushing you away while my son loves you so much. I
