AGAD na sinalubong ni Camille si Izaiah. Niyakap siya nito nang mahigpit sabay kinintalan siya nito ng halik sa noo.
“Kumusta si Cyd?” Agad napadako ang tingin nito kay Cyd na nakahiga sa hospital bed. Bakas ang pag-aalala sa mga mata nito. Lumapit sila kay Cyd at matamang pinagmasdan ito ni Izaiah.
“Hindi pa lumalabas ang resulta ng kanyang x-ray, pero sabi ng doktor kailangan na niya talagang i-confine dahil kanina pa siya nagsusuka at hinang-hina na siya.”
“Oh, my!” napailing si Izaiah.
“Daddy…” sambit ni Cyd habang nakapikit ang mga mata nito. Awtomatikong napayuko si Izaiah sa bata nang marinig nitong sinambit ang pangalan niya.
“Baby, nandito na si Daddy,” mahinang tugon nito sabay hinawakan ang maliit na kamay ni Cyd na nakakabitan ng dextros.
Tila nadudurog ang puso ni Camil
