KASALUKUYANG si Camille ang may hawak ng counter. Inutusan kasi niya si Grace na mag-deposit sa bangko. Nakita na agad niya si Cassandra na kapapasok kasama pa nito ang anak. Bigla ay parang tinambol ang kanyang diddib. Tila hindi maganda ang pakiramdam na naman niya dahil magkasalubong ang mga kilay nito.
“Camille, lumabas ka riyan sa counter at mag-usap tayo!” mataray na sabi nito.
“Ano na naman ang sadya mo, Cassandra?” tanong niya.
“Lalabas ka ba riyan o sasabihin ko ang gusto kung sabihin para marinig ng karamihan?”
Agad na lumabas siya ng counter at ibinigay iyon sa isa niyang empleyado.
“Doon tayo mag-usap sa labas,” ang sabi niya para matapos na ang usapan.
“Hindi. Gusto dito tayo mag-usap,” giit ni Cassandra.
“Ako ang may-ari ng shop na ‘to kaya ako magsasabi kung saan tay
