HALOS dalawang linggo na hindi man lang nagpaparamdam kay Camille si Izaiah. Hindi na rin ito pumupunta sa café. Kinuha niya ang kanyang cellphone at pinagmasdan ang mga litrato na naka-saved roon. Nakita na naman niya sa kanyang gallery ang litrato nina Izaiah at Cyd na nagkukulitan. Sa tuwing nalulungkot lang siya ay ito ang palagi niyang tinitingnan. Sa totoo lang gustong-gusto na niyang kausapin ang lalaki. Hindi maganda ang huli nilang pag-uusap dahil sa halip na pasalamatan ay pinagbintangan pa niya ito. Paano nga kung hindi naman ang lalaki ang may pakana ng lahat ng iyon? Nakaramdam tuloy siya ng guilt.
Wala ngayon si Cyd dahil hiniram muna ito ni Ivan at isasama raw sa parents nito sa Cavite. Hindi siya mapakali dahil first time na mawalay sa kanya si Cyd. Ayon kay Ivan ay tatlon
