SAGLIT na iniwan ni Ivan sina Cyd at Hero sa terrace dahil pumunta ito sa kusina para magpaluto ng paboritong pagkain ng mga bata. Nakita ni Cyd na naglalaro si Hero ng paborito nitong robot. Nilapitan ito ni Cyd at nagmasid. Naiwan kasi nito ang laruan sa sasakyan kanina.
“Puwedeng pahiram?” sabi nito.
“Bakit, wala ka bang dalang laruan? Nasaan na ‘yong hawak-hawak mo kanina?” tanong naman ni Hero.
“Naiwan ko kasi. Mamaya ay ipapakuha ko kay Papa.”
“Bakit nga pala Papa ang tawag mo sa daddy ko? Bakit hindi na lang Daddy?”
“Kasi, iyon ang gusto niyang itawag ko sa kanya. Pero meron din akong daddy, si Daddy Izaiah,” pagbibida ni Cyd. Bago pa man ipakilala ni Ivan si Cyd kay Hero ay kinausap na niya ang mga bata. Bagama’t nahihirapan siyang ipaliwanag ang totoong mga nangyari, umaasa s
