PUMASOK si Jennivie dala ang malamig na juice na hiningi ni Izaiah kanina lang.
“Hi, Sir, Ma’am!” bati nito sa kanila.
Awtomatikong napatingin si Camille sa babae nang dumukwang ito para ibaba ang tray sa center table na malapit sa kinauupuan nilang sofa. Parang gusto niyang takpan ang halos nakaluwang dibdib nito. Naisip tuloy niya kung ganito ba ang outfit nito araw-araw. Ngumiti pa ito ng pagkatamis-tamis pero saglit lang na tumingin sa kanya dahil mas matagal ang mga mata nito kay Izaiah na napakagat pa ng ibabang labi.
Obvious naman na tila sini-seduce nito ang lalaki sa harapan niya, sarap sabunutan, sa loob-loob niya. Unang araw pa lang na naging sila ng lalaki ay tila na-stress na siya sa paraang pagkakatitig ng babae dito sa bago niyang boyfriend.
“Thanks, Jenn,” anang lalaki
