IPINARADA na ni Izaiah ang kanyang sasakyan sa basement ng nasabing condominium. Lumabas na ito at pinagbuksan si Camille. Pagkatapos ay binuksan naman nito ang pintuan sa gawi ni Cyd.
“Baby, gising na. Nandito na tayo,” anang lalaki. Parang hinaplos ang puso ni Camille habang pinagmamasdan niya si Izaiah na malambing na ginigising si Cyd.
“Cyd, gising na,” aniya. Saglit na iminulat lang nito ang mga mata at pumikit ulit.
Tinanggal na ni Izaiah ang seatbelt nito at kinarga na lang nito si Cyd.
“Baby, nagpakarga ka na naman,” aniyang isinarado na ang pintuan ng kotse. Tila kay sarap sa kanyang pakiramdam na tila isang masayang pamilya sila. Naglalakad na sila sa hallway papuntang elevator habang si Izaiah naman ay tila hindi naman alintana ang bigat ng karga nitong si Cyd.
“Saang floo
