GUMAAN ang loob ni Camille nang masabi niya ang katotohanan kay Cyd. Kung kaya’t itinakda niya ang araw ng pagkikita ng mag-ama.
Tinawagan niya sa cellphone si Ivan. Agad namang sumagot ito sa kanyang tawag.
“Mabuti at napatawag ka. Kumusta na?” bakas ang excitement sa tinig ng lalaki.
“Tumawag lang ako dahil gusto kong ipaalam sa’yo na puwede mo nang puntahan si Cyd sa coffee shop bukas.”
“Talaga?! Thank you, Camille! Sige, aagahan ko bukas. Salamat talaga, hindi mo alam kung gaano mo ako pinasaya.”
“Ivan, ginagawa ko ‘to para kay Cyd. Iyon lang, wala ng iba. Sana naman maprotektahan mo rin si Cyd sa asawa mo. Ayokong itago mo kay Cassandra ang tungkol kay Cyd dahil ayoko na maging dahilan na naman ito ng gulo,” malinaw na sabi niya.
“Huwag kang mag-alala, ako na ang bahalang magsa
