IKA-36 NA YUGTO
Pagkatapos ng dalawang oras na photoshoot nila ay sabay-sabay sila nina Janice na bumalik ng Hotel, bad trip pa rin ito kay Micah dahil sa sobrang pag-iinarte nito. Hindi na rin umalis si Jared doon at tahimik lang na pinagmamasdan sila, wala naman itong ginagawang kahit ano kaya hinahayaan na rin niya ito. Si Luigi naman ay hindi siya tinantanan at laging nakaabang lang sa kanya.
“Ugh! Parang gusto ko nang pagsisihan ang pagpayag sa pesteng project na ’to,” inis na singhal ni Janice na pabagsak na umupo sa pang-isahang sofa.
“It’s not too late to back out, I can make any arrangement for it if you want,” ani Luigi na tumabi sa kanya sa pag-upo.
“Tutulungan mo ’ko?” nakataas ang kilay na tanong ni Janice kay Luigi.
Napalingon siya kay Luigi. “Kaya mong ga
