****
Ilang minuto na ang nakakalipas ngunit nanatiling tahimik ang atmosphere sa kanilang tatlo, tila ba walang may gustong maunang magsalita at nagkakailanga. Gustuhin man niyang unahan ang mga ito ay para bang may humihila sa dila niya at ayaw makisama sa kanya.
Mayamaya pa ay narinig niyang tumikhim ang kanyang Daddy, napatingin siya rito ngunit agad din siyang umiwas. Hindi pa niya kayang kausapin ito at galit pa rin siya rito dahil kung hindi nito inutusan si Jared na pumunta rito ay hindi na sana siya malalagay sa panganib! Madadamay pa ang mga anak niya kung sakali.
“Chelsey,” anang kanyang Mommy.
Marahas siyang nagbuntong-hininga, pakiramdam niya biglang sumikip ang dibdib niya at muling nabuksan ang sugat na gawa ng mga ito sa kanya noon. Pumikit siya ng mariin
