IKA-13 YUGTO
Kinabukasan ay nagising si Chelsey na mabigat ang ulo, napakunot-noo siya nang mapagtantong nasa kama na siya at iba na ang damit niyang suot. Natigilan siya at unti-unting nagbalik sa alaala niya ang mga nangyari kagabi sa pagitan nila ni Luigi.
“Oh, f**k!” bulalas niya. Parang isang ilog na umagos sa kanyang alaala ang mainit na tagpo sa pagitan nila ng binata. Natutop niya ang kanyang bibig at pinigilang mapasigaw dahil sa nararamdamang kahihiyan.
Kaya ayoko ng alak! Bakit ba kasi ang tapang ng apog kong uminom?!
Nakasimangot niyang binatukan ang kanyang sarili.
Bakit napakarupok mo pagdating sa beer! Pagalit niyang asik sa kanyang sarili. Paano ako ngayon haharap sa damuhong na iyon?
Para namang narinig ng binata ang sinabi nya at biglang bumukas an
