IKA-43 YUGTO
Tumunog ang cellphone ni Chelsey, napakunot-noo siya nang makitang hindi nakarehistro ang number na iyon sa phone niya. Wala sana siyang balak sagutin iyon ngunit dala ng kiyuryusidad ay sinagot niya, bagay na pinagsisihan niya subalit huli na para patayin iyon, narinig na niya ang boses ng nasa kabilang linya.
“Hello, my Princess. How are you? Do you really not want to come back with us?”
Napasapo siya sa kanyang bibig at pinigilang huwag mapasinghap. Pagkarinig niya sa boses ng kanyang ama ay unti-unting nanumbalik sa kanyang alaala ang nangyari noon na hinding-hindi niya makalimutan . . .
“Are you ready to go out, my Princess?” tanong ng Daddy ni Chelsey.
Huminga siya ng malalim at nakangiting bumaling sa kanyang Daddy.
“Yes, Dad,” sabi niya at inabo
