Naging maayos naman ang hapunan na may konting rebelasyon. Magaan kasama si Freiya kahit na may dinadala itong problema.
"Anong masasabi mo sa pagkakaroon ng maraming asawa ng isang lalaki?"
Natigilan ako sa tanong ni Rusca sa'kin pagkaalis ng pinsan niyang si Freiya.
Paalis na rin sana ako pero napahinto dahil sa pang-Miss Universe niyang tanong.
"Mas gusto ko pa rin iyong monogamous marriage," prangka kong sagot. "Hindi ko nakikita ang sarili ko na makikihati sa atensiyon ng magiging asawa ko sa iba pa nitong mga babae."
Hindi ko mabasa kung ano ang tumatakbo sa isip niya habang mataman siyang nakipagsukatan sa'kin ng tingin.
Sa loob-loob ko ay pipi kong hiling na sana ay pareho kami ng opinyon tungkol sa ganitong bagay.
"Sa pamilya namin ay common na iyong polygamy marriages,"
