Nawindang ako dahil ang tinutukoy palang bahay ni Rusca ay wala sa loob ng bansa kundi ay nandoon sa Austramica.
Sa isang private airport lumapag ang sinasakyan naming helicopter.
"Isasama mo ako sa ibang bansa?" maang kong tanong kay Rusca matapos niyang inanunsiyo ang pagpunta namin sa kinalakihan niyang bansa.
Parang ayaw ko tuloy bumaba mula sa helicopter dahil hindi ako siguradong sasama sa kanyang mangibang bansa! Iyong pagsama ko nga sa kanya roon sa taping niya sa isla ay may pagdadalawang-isip pa ako paano pa kaya ngayon na sa mismong labas ng bansa kami pupunta?
"Mas ligtas ka roon," masuyo niyang sagot.
"Bakit kaligtasan ko iyong iniisip mo?" nababaghan kong tanong. "Sa ating dalawa ay sigurado ako na ikaw iyong pakay no'ng mga masasamang tao kanina dahil wala akong maalal
