*Janine*
Nakita kong bumagsak si Marco habang hinihila nila ako palabas ng silid. Kahit malabo na ang paningin ko dahil sa mga luha, kitang-kita ko pa na tinutukan ng baril ang ulo ni Marco kaya ginamit ko ang lahat ng lakas ko upang makawala sa mahigpit nilang pagkahawak. Hindi naman ako nabigo dahil naiwaksi ko ang hawak nila at agad kong tinakbo si Marco.
Nakahandusay siya sa sahig pero tinabunan ko siya ng katawan ko, ”Maawa kayo sa amin,” umiiyak ako, ”Gagawin ko ang lahat huwag niyo lang siyang saktan.”
”Sumama ka ng matiwasay sa amin, Janine, at ililigtas namin ang buhay ng lalaking ‘yan,” malamig na saad nung nakaitim na lalaki.
“S-sasama na ako,” saad ko.
Wala na akong nagawa kundi ang sumama sa kanila. Nakita ko rin na kinuha nila ang marriage contract na pinirmahan namin
