AGAD kinabahan si Amaiah nang makapasok siya sa gate sa bahay ni Brant at natanaw na niya ang Montero Sport nito sa may garahe. Mabilis siyang pumasok sa loob nang bahay pero ang madilim na mukha ng lalaki ang kaagad bumungad sa kaniya.
Nakita rin niya sina Manang Diday at ate Beth na alam niyang kinakabahan.
"B-Brant..." kinakabahang sambit niya sa pangalan ng asawa. Hindi maipinta ang mukha nito at magkasalubong ang makakapal nitong kilay at mas lalong sumingkit ang singkit nitong mga mata kaya alam niyang galit ito.
"In our room." matigas ang boses na utos nito sa kaniya bago ito tumalikod at mabibigat ang mga paang umakyat ng hagdanan. Nang dumako ang tingin niya kina Manang Diday at ate Beth ay bakas sa mga mukha ng mga ito ang takot.
Hindi lang niya alam kung para ba sa kaniya o
