Sa basement kung nasaan si Katallea ay nanghihina na ang dalaga. Napaangat ang ulo niya ng makitang bumukas ang pinto dahil akala niya ay si Geo ang pumasok. Ngunit si Clarise ang nakita niya. May dala itong pagkain at inilapag iyon sa harapan niya. Tinanggal nito ang busal niya at ganoon na rin ang tali sa kaniyang mga kamay.
“Kumain ka na! Baka sabihin mong wala akong puso!” sabi nito sa ate niya.
Lumuluhang hinawakan nI Katallea ang kamay ng kapatid. Malayong-malayo na ito sa malambig at mapagmahal na bunso na kay tagal niyang nakasama. Dama sa bawat haplos ni Katallea ang pananabik na makita ang dating Clarise na minamahal niya.
“Clarise, sinaktan ka ba nila? Tinakot? Ano’ng nangyari sa iyo?”
“Hindi ako pumunta rito para makipag-chickahan sa’yo. Kain na!”
“Clarise, makinig ka
