Naging national issue ang problema sa kumpanya na pagmamay-ari ng pamilya ni Geo. Habang pinapanood ni Katallea ang imbistigasyon ng mga nakikisakay sa isyu na mga pulitiko ay hindi siya makadama ng saya sa kaniyang puso.
Nakikita niya si Geo na tila wala sa sarili habang nagpapaliwanag sa mga mambabatas. Hindi maalis ang mata ni Katallea sa telebisyon kahit na sinabi niya sa sariling wala siyang pakialam sa magiging resulta ng usaping iyon.
"Mukhang hindi ka masaya," si Samantha.
Napatingin si Katallea sa kakambal niya. Ngumiti siya ng mapakla. Nakaupo silang magkapatid sa sala ng mansyon na naiwan ng mga magulang nila. Doon nila gustong mamalagi para maalala pa rin ang mga ito kahit na hindi sila lumaking kasama sina Mr. and Mrs. Hajibi.
"See, hindi ka nga masaya," sabi ulit ni Sam
