Nagmamadali si Katallea na pumunta sa meeting place nila nina Max at Nicole. Kababalik lang ng dalawa mula sa bakasyon at kailangan daw siyang makita at makausap ng mga ito. Hindi niya alam kung ano ang importanteng bagay na kailangan nilang pag-usapan pero nahihinuha niyang tungkol iyon sa negosyo.
Sabik na siyang makita muli ang mga kaibigan na ilang linggo rin niyang hindi nakasama. Dahil kababalik lang din ni Nicole mula sa Amerika kaya alam niyang sinusulit ng dalawa ang mga oras nila. Si Nicole na iniwan ang lahat sa Pilipinas para damayan siya at samahan sa loob ng limang taon niya sa America.
Masasabing mapalad si Katallea na meron siyang Sandra at Nicole sa paligid niya at ngayon ay nariyan din si Samantha na handang makipagpatayan para sa kaniya. Ngunit hindi na siya katulad
