Pilit niyang pinapahupa ang inis sa kaloob-looban pero mukhang hindi madali 'yon. Ang makinis at maputing babae na nakatayo sa harapan nila ay walang iba kung hindi 'yong babaeng kausap ni Estong kahapon. Ang pangalan daw ay Jowee.
"Wala ka bang kasama?" tanong ni Estong kay Jowee.
Palihim siyang sumimangot. Mula nang makita nila ang babae, hindi na rin siya pinapansin ni Estong. Para bang nalimutan nitong nasa gilid lang siya nito.
Tumingin si Jowee sa kaniya at binalik ang tingin sa lalaking nakatayo sa gilid niya. Umiling ito. "I will... walk."
Nangunot ang noo ni Estong. "Maglalakad ka? Wala bang maghahatid sa 'yo?"
"None."
"Kaya mo bang maglakad?" Tumingala si Estong. "Masyado nang mataas ang sikat ng araw. Malayo-layo pa ang lakaran." Tumitig si Estong kay Jowee.
Palihim na ng
