Dinala sila ng bagong guro sa guidance office pagkatapos nilang kumain ng tanghalian. Kinabahan naman si Rowena dahil alam niya kung sino si Jowee. Anak ito ng Kapitan. Anong laban niya rito?
"Maghintay kayo rito," utos ng bagong guro.
Binigyan na ng isang malamig na compress si Jowee para ilapat sa pasa nito sa mukha. Hindi naman talaga 'yon malinaw, pero dahil maputi si Jowee kaya kapansin-pansin ang pulang marka ng palad niya sa pisngi nito.
Lihim siyang napaismid. Ito rin ang ayaw niya sa mga anak mayayaman. Mabilis lang tumiklop ang mga balat nito dahil hindi sanay sa mga trabaho. Hindi tulad niya na umakyat na yata ang kalyo sa mukha.
"Yes, tito."
Napantig ang tainga niya sa biglang saad ni Jowee. Tito? Napaangat siya ng tingin sa bagong guro. Nakababa ang tingin nito sa isa
