Labag sa loob niyang tinanggap ang bigay na medyas ni Raven. Wala naman siyang magagawa dahil isa lang ang pares ng medyas niya na suot-suot pa niya mula grade five. Buti nalang at hindi pa nasira ang garter niyon. 'Yon nga lang, kumupas na ang pagkaputi kaya nangingilo na ang kulay.
Pero kahit na gano'n, may halaga pa rin naman ang medyas na 'yon sa kaniya.
"Sa'n ka ba?" tanong niya. Pansin niya kasing sumusunod si Raven sa kaniya.
Papunta na siya ngayon sa klase para humabol. Hindi pwedeng tumambay siya sa labas habang oras ng klase dahil sisitahin lang siya ng guwardiya o kaya guro. Saka sabi naman ng principal na pumunta na raw siya sa klase. Sinusunod lang niya ang utos nito.
"Malapit lang ang fourth year building sa building mo," sabi ni Raven.
Hindi na siya nagtanong pa. Nagka
