"Ano, bai? Nakita mo ba?" tanong ni Yalke.
Umiling siya. "Wala siya rito."
"Baka umuwi na."
Napatingin siya kay Alkan. Nakatingin lang ito sa harap habang may suot na headset. Headset daw ang tawag sa bagay na 'yon.
Bumuntong-hinga siya. Hindi na niya siguro naabutan ang dalaga. Pero sana ay nakauwi ito nang matiwasay sa bahay ni Kapitan.
"Estong!"
Napalingon siya sa tumawag. Si Rowena. Sukbit nito ang backpack sa likod at seryoso ang mukha. Hindi na ito ngumingiti o ngumingiwi sa kaniya. Dati kasi, palagi itong nakangiwi o kung hindi man ay pasimple itong ngumingiti tuwing lumalapit sa kaniya. Kita niya 'yon, at sa tuwing tinatanong niya kung bakit ito ngumingiti, aamba lang itong susuntok sa kaniya kaya matatawa nalang siya rito.
Pero ngayon, para bang ibang Rowena ang nakita niy
