Darryl's POV
Nakakalokong ngumisi ito sa akin ng pailalim. Hindi ko na lang pinansin ang nakakainsultong ngisi nya. Nilagpasan ko sya at sinamahan si Tanya sa napili nitong table.
Magiliw na lumapit agad ang waiter kay Tanya. Nagtanong ang huli kong ano ang order nito. Hindi ko naiwasang pagmasdan ang bawat kilos ng mahal ko. Malaki na talaga ang pinagbago nya kumpara sa Tanyang nakilala ko. Ang inosenteng babae na minahal ko. Kahit sa pananamit, ayos ng buhok at ang kolerete sa mukha, lahat ay nagbago. Lalo syang gumanda pero mas hinahanap ko parin ang dating Tanya na minahal ko. Ang simple, mabait at mahinhin. Kahit pananalita nya ay nag-iba. Puno ito ng kumpyansa sa sarili. Pagbabago na nararapat sa kanya. Hindi ko napansin na nakatulala akong nakatitig sa kanya. Hindi ko rin alinta
