Iginiya ako ng guwardiya palabas ng kulungan. Nagpaalam akong may ngiti sa mga labi sa kanila lalo na kay Florencia. Buti pa ang mga bilanggo may malasakit sa katulad ko.
Sandali lang akong nakulong pero ang isang oras na iyon ay napakalaki ng ambag sa pagkatao ko. Mahalaga ang mga natutunan ko kay Aling Flor. Nakatikim man ako ng malakas na sampal at sabunot pero ang tapang na itinuro nya sa akin ay walang kasing halaga.
Dinala ako ng guwardiya sa isang silid. Nagtataka man ay sumunod ako.
Pagbukas ng pintuan ay ang gwapong mukha ni Darryl ang nabungaran ko. Magulo ang kanyang buhok, hapis ang mukha at parang ilang gabing walang tulog. Gayunpaman ay hindi nakabawas iyon sa angkin nitong kagwapuhan. Naikuyom ko ang mga kamao ko. Ang lahat ng inipon kong galit sa kanya ay gusto kong i
