Camila's POV
Matanda na si Ka Ernesto. Hukot na ang katawan, puro puti na ang buhok at malabo na ang mga mata.
Ang dating matikas na matanda ay nakaupo na lang sa silyang tumba-tumba. Nakaluhod sa harap nito si Ernie. Nag-iiyakan ang mag-ama na halos sampung taon ng hindi nagkita.
Tumalikod siya at lumabas ng bahay. Naninikip ang dibdib niya na isiping sila ang dahilan kung bakit matagal na nawalay si Ernie sa pamilya nito, at ngayon na lang uli nakauwi pagkalipas ng maraming taon. Napakaraming nasayang na panahon.
Nakita niya si Percy sa labas habang kinakalikot ang cellphone nito. Lumapit siya sa kinaroroonan nito at sumandal sa van na kinasasandalan nito.
Naramdaman niyang napalingon ito sa kanya pero hindi niya ito nilingon. Wala siya mood makipag-away ngayon. Dinukot niya ang yo
