Camila's POV
"Kape?" alok sa kanya ni Ernie. Na sa terrace siya ng bahay nila Ernie. Doon siya nagtungo pagkatapos ng hapunan.
"Salamat," pasasalamat niya ng tanggapin niya iyon.
Naupo sa tabi niya si Ernie.
"Nag-usap na kami ni Anna," aniya na sa baso ng kape nakatingin. "Hindi siya... hindi siya galit sa akin."
Hanggang ngayon hindi niya mapaniwalaan na naging maayos ang pag-uusap nilang mag-ina. Walang sumbatan at maraming tanong. Tinanggap at inintindi ng anak niya ang lahat ng sinabi niya rito. Parang may isang bara na nawala sa kanya. Yung bigat sa dibdib niya ay natanggal kaya naman mas nakakahinga na siya ng maayos.
"Masaya ako na naamin mo na sa bata ang totoo," ani ni Ernie. Nakangiti ito sa kanya. "Ngayong naayos na ang sa inyong mag-ina baka naman gusto mong ayusin ang s
