Chapter 58
NAGKATINGINAN sina Elenor saka Alesa dahil sa kanilang napanood na nakaraan kay Sady. Nilagyan na ni Elenor ng isang vanish potion ang kumukulong tubig. Doon lang din pala niya makikita ang nakaraan ng babae. Hindi na niya pala kailangan pang maghanap o magtanong sa iba’t ibang tao na nakakikilala rito. Napahinga silang dalawa habang malungkot ang mga mukha. Hindi aakalain ni Elenor na may ganoon din na mga ugali ang tao, akala niya ay sa mundo lang ng Verdona at masasaksihan niya sa mga kasamang lahi.
“Hindi ko kinaya ang lungkot na nadarama ni Sady. Kailangan nating hanapin ang totoo niyang mga magulang,” usal ni Elenor, habang inaayos na ang mga gamit niya.
Tumango si Alesa habang tinutulungan ang kanyang amo. Hindi rin siya makapaniwala sa kanyang nakita. Bigla tuloy siya
