Chapter 48
Past…
Unti-unting iminulat ni Elenor ang kanyang mga mata nang umagang iyon. Hindi niya alam kung ano ang nangyari, sumalubong sa kanya ang natutulog na si Randal sa kanyang tabi. Mukhang puyat na puyat ito at mahimbing ang tulog. Ipinalibot niya ang tingin sa paligid, nakita niya ang mga kasama na nag-eensayo ng kanilang mga kapangyarihan at mahika. Napahawak siya sa kanyang ulo nang makaramdam ng kirot. Parang niyanig ang kanyang mundo nang mga oras na iyon. Hindi alam ni Elenor kung ano ang nangyari sa kanya. Ang tanging naaalala lamang niya ay gumawa siya ng malaking apoy para sunugin ang limang ahas na malalaki. Iyon lamang at hindi na niya alam kung ano ang sumunod na nangyari.
Pinilit niyang kumilos, hindi dapat siya magpakahina, kailangan niyang maging malakas dahil
