Lorebel’s POV
Nang muli akong magising ay naririto na ako sa isang magarang silid. Napangiwi pa ako nang sumigid ang kirot sa sentido ko. At kasunod din niyon ay ang pagbabalik sa gunita ko sa lahat ng nangyari bago ako nawalan ng malay.
“s**t! Nasaan ako?” napabalikwas ako ng bangon at iginala ang mga mata sa paligid.
Nahagip ng paningin ko ang isang malaking painting na si Asher ang narooon. Mukha ngang kuwartong panlalaki ito base sa mga kagamitan at pagkakaayos nito.
Unti-unti akong bumaba ng kama at nilapitan ang isang malaking cabinet kung saan mayroong display ng mga laruan. Ngunit ang pumukaw ng pansin ko ay ang isang maliit na picture frame sa bandang likuran ng mga display.
Umalpas ang mahinang singhap mula sa akin. Isang napakagandang dalagita ang naroroon. Kung hindi ako
