“Aww! Ano ba? Bitiwan mo ako!” sinubukan kong pagsusuntukin ang kamay niya para bitawan niya ako. Pero humigpit lang ang pagkakasabunot niya sa buhok ko at ngayon ay nakahabol na rin iyong kasama niya.
“Tara na! Takpan mo ang bibig niyan baka makasigaw pa iyan,” utos nitong bagong dating.
“Sino ba kayo?” pilit akong kumakawala pero hinihila na nila ako. “Tulong! Tulong po–hmpp!” biglang tinakpan ng lalaki ang bibig ko pero kinagat ko ang kamay niya.
“Walanghiya ka!” akmang sasampalin niya ako ngunit isang kamay ang pumigil sa kaniya.
“Roman?” nanlalaki ang mga matang sambit ko. Kasunod niya agad ang kakambal niya kaya kahit papaano ay nakahinga ako nang maluwag.
“Gosh, I guess you are a troublemaker, Lorebel!” natatawang saad naman ni Rossano nang mahagip ng paningin niya ang kasama n
