ANG LAKAS ng t***k ng puso ni Ezekiel pag-uwi niya ng bahay dahil hindi niya nadatnan ang kanyang asawa. Hindi niya napansin na lowbat ang kanyang cellphone kung kaya hindi niya nasasagot ang mga tawag nito. Ilang missed calls din ang kanyang natanggap pagbukas ng kanyang cellphone. Sinubukan niyang tawagin ang kanyang asawa pero hindi niya na ito nakontak. Ayaw niyang mag-isip ng masama pero kinakabahan siya. Kung-ano-ano ang pumapasok sa kanyang isipan. Isa pa ay nauunahan siya ng takot.
“Answer your phone, Alani,” wika niyang natataranta na. Wala rin ang sasakyan ng kanyang asawa sa garahe kaya isa lang ang alam niya. Umalis ito ng bahay. Pakiramdam niya ang bawat oras na lumilipas ay lalong nagpapadagdag sa tensiyon na kanyang nararamdaman.
Nagring ang kanyang cellphone kaya nagmamad
