HINDI siya dapat magpadala sa takot dahil sa kanyang sitwasyon. Naunahan lang siya ng kaba kanina sa pag-iisip na paano ang kanyang triplets kapag nawala siya? Napakabata pa ng mga ito. Tiyak na kapag may nangyari sa kanya ay hindi rin siya matatahimik.
Sa halip na umiyak ay nilakasan niya ang kanyang loob. Nakalimutan niyang nag-aral siya ng martial arts at firing para magpatalo lamang sa isang baliw na si Katherine. Pilit niyang inaalis ang tali sa kanyang katawan pero hindi niya magawa sa higpit ng pagkakatali.
Bumukas ang pinto ng kwarto at nakita niya ang lalaking kasama ni Katherine sa kanya.
"Masakit ang tiyan ko at gusto kong magbanyo," wika niya sa lalaki.
Tinitigan siya ng lalaki.
"Eh di magbanyo ka," sagot nito sa kanya.
"Paano? Magbabanyo ako rito? Gusto mong magkalat ako
