CHAPTER 118
Dinig ko ang pagputok ng baril ni Zaldy at ang isang bala ay tumama sa akin ngunit ang sumunod na pagputok ay hindi na sa kanya galing kundi sa ibang tao. Kitang-kita kong sa kamay tinamaan muna si Zaldy kung saan may hawak na baril. Nahulog ang baril niya. Nakita kong bagsak na rin ang mga tao niya. Wala na silang buhay. Hanggang sa muling pinagbabaril ng lalaking hindi ko makilala ang katawan ni Zaldy. Nilapitan niya si Zaldy at binaril muna niya ang mga paa nito, ang mga kamay hanggang sa bigla na lang siyang may ibinuhos. Nagsisigaw si Zaldy. Nagmumura. Nanghihingi ng awa. Hanggang sa biglang sinilaban ng lalaking iyon ang katawan ni Zaldy. Napakalakas ng paghingi ni Zaldy ng awa ngunit kahit pa gaano kalakas ang kanyang boses, walang tumutulong sa kanya. Kahit pa anong ga
