CHAPTER 90
Hindi ko alam kung paano ko sasagutin ang tanong na iyon sa akin ni Althea. May agam-agam ako. May kinatatakutan. Kahit ano pang dahilan, hindi ko siya mapanindigan. Hindi ko kayang gawin sa kanya ang ginawa ko noon kay Rizza. Hindi ko siya ganoon kamahal. Ni hindi ko alam kung mahal ko nga ba talaga siya.
Nagpakawala muna ako ng malalim na hininga. Nakatingin pa rin siya sa akin. Naghihintay ng aking sagot. Nasa kaniyang mga mata ang pang-unawa kahit ano pa ang itutugon ko sa kaniya.
"Sorry..." bago ko pa madugtungan ang sasabihin ko ay hinalikan na muli niya ako at pumatak sa aking pisngi ang kaniyang pinigilang luha. Alam kong alam na niya ang sasabihin ko at para hindi na siya lalong masaktan ay minabuti niyang huwag na lang marinig na ituloy ko pa ang aking sasabihin.
I
