Chapter 45
“Anong plano mo mamaya?” bulong ni Giria kay Evoon habang inuubos na nila ang siopao. Napatingin sa likuran niya si Evoon at baka nakikinig na sa kanila ng mga oras na iyon sina Jean at Isua. Nang masiguro niya na abala naman sa pagkain ang dalawa ay bumaling siya kay Giria na matamang naghihintay sa kaniyang sagot. Hindi niya mapigilan ang sarili na kiligin dahil sa isipin na interesado ang babae sa kung ano ang plano niya mamaya. Hindi man sa nag-aasume siya pero sa palagay niya ay gusto siyang samahan ni Giria. Nabubuang na yata siya. Hindi na niya alam kung saan ibabaling ang tuwa na nararamdaman sa puso niya.
Kung ganoon lang sana palagi ay wala siyang magiging problema sa kung ano ang kahaharapin nila kinabuksan. Ang mahalaga ay may progress kahit na papaano sa pagit
