Chapter 12
NAGTAGISAN NG TINGIN ang dalawang lalaking sina Lucbano at Caspren. Kinuha na ng mga tauhan ni Lucbano sila Diserie at dinala sa panig nito. Kitang-kita sa mukha ni Caspren ang inis at galit sa dating kaibigan.
Wala pa ring tigil sa pag-ulan at pagkulog.
Samantala sina Rector naman ay hindi mapakali sa mga bagong dating na grupo ni Lucbano.
“Sino kayo?” tanong ni Rector sa lalaking katabi.
Nakalibot sa kanila ang mga grupo ni Lucbano. Maliban sa mga armas ng mga ito ay nagtataglay rin ang mga ito ng malalaki at matitigas na pangangatawan.
“Huwag kayong mag-alala. Hindi kami isang kalaban,” sagot ng lalaking may hawak na kwarenta y sinco na baril.
Nakatutok ang lahat ng armas ng mga tauhan ni Lucbano sa mga tauhan ni Caspren.
Sa hinuha ni Rector ay magkalaban ang dala
