HINDI napigilan ni Mang Jose ang paglapit ng limang nilalang papunta sa kanilang sasakyan. Hindi na nakapagpigiil si Manang Linda at pinangbabaril ang mga ito. Hindi niya alam kung ano ang gagawin sa mga oras na iyon. Alam ni Mang Jose na katapusan na nila kapag hindi p nila mapatumba ang mga nilalang. Parang gustong magwala nilang dalawa, pero hindi pwede, mas lalo pang makakaagaw iyon ng pansin sa iba pang mga nilalang na naroon sa kabilang bayan.
"Ano na ang gagawin natin ngayon, Jose? Huwag mong sabihin na mamatay na lang tayo hanggang dito?" Tanong ni Linda habang walang tigil sa pagkawala ng sunud-sunod na putok ng hawak niyang baril.
Hindi siya makapapayag na makalapit ang kahit ni isang nilalang sa kanila. Wala man lamang kahit na anong ibang sasakyan na dumaraan sa kanilang kin
