Patuloy sa pagkampay ang makapal na kurtinang nakasabit mula nakabukas na bintana. Ang kapaligiran ay patuloy na kinukumutan ng dilim. Marahas ang pagsasayaw ng dalawang sulo na nilalaro ng hangin. Nakasabit ang mga ito sa malamig na batong dingding ng silid na nagsisilbing tanglaw sa kadiliman.
Ang malamig na hangin ay patuloy sa pagapang sa loob ng naturang silid. Ang nagyeyelong temperatura ay patuloy sa paghalik sa makinis na balat ni Pyrus. Pero mas nangingibabaw ang init na sumisingaw sa mga balat nilang nakadampi sa isa’t isa ni Malik, kapwa walang mga malay sa malaking panganib na nakaabang sa kanila mula sa halimaw na prinsipe.
Unti-unting idinilat ni Pyrus ang kanyang mga mata nang marinig niya ang kalampag ng bakal na nagmumula sa bungad ng pinto kung saan nakatayo ang kamah
